Yerişi dillərdə dastan olan səhabə “Əbu Dücanə” ləqəbi ilə tanınan Simak ibn Həraşə əl-Ənsaridir. O, çox qəhrəman bir səhabə idi. Kimsənin yerindən tərpənməyə cəsarət eləmədiyi yerlərdə gözünü qırpmadan önə atılardı.
Simak ibn Həraşə əl-Ənsari qəribə yerişi ilə digər səhabələrdən seçilirdi. Bir dəfə Alah Rəsulu (s.a.s.) döyüş meydanında iki cərgə arasında qürurla yeriyən Simaka baxıb belə buyurmuşdu: “Allah bu yerişə qəzəb edər, amma bura (döyüş meydanı) istisnadır”.[1] Yəni döyüş vaxtı belə yerimək təkəbbür sayılmamalıdır. Ona “Zül-məşhərə” (zirehli) deyirdilər. Çünki bir zirehi var idi ki, geyinib döyüşə girəndə qabağına çıxan salamat qurtarmazdı .
[1] İbn Sad, Təbəqat, 3/556-557; Üsdül-ğabə, 2/451.
